सुनको मूल्य प्रतितोला १२०० रुपैयाँले बढ्यो, चाँदीको मूल्य पनि वृद्धि

काठमाडौं । नेपाली बजारमा आज पनि सुनको मूल्य वृद्धि भएको छ । आज सुनको मूल्य तोलामा १२०० रुपैयाँले बढेर तोलाको एक लाख ५६ हजार ६०० रुपैयाँमा कारोबार भईरहेको सुनचाँदी व्यवसायी महासंघले जनाएको छ ।

छापावाल सुन बुधबार तोलाको एक लाख ५५ हजार ४०० रुपैयाँमा कारोबार भएको थियो।

साथै, आज चाँदीको मूल्य पनि बढेको छ । बुधबारको तुलनामा तोलाको ५० रुपैयाँले बढेर आज तोलाको १८८० रुपैयाँ कायम भएको छ ।

बुधबार चाँदी १८३० रुपैयाँमा कारोबार भएको थियो ।