बिहीबार सुनचाँदीको मूल्य घट्यो, कतिमा हुँदैछ किनबेच ?

काठमाडौं । नेपाली बजारमा सुनचाँदीको मूल्य घटेर कारोबार भएको छ । नेपाल सुनचाँदी व्यवसायी महासंघका अनुसार आज छापावाल सुनको मूल्य ४०० रुपैयाँ घटेर एक लाख ५९ हजार ६०० रुपैयाँमा किनबेच भइरहेको छ ।

अघिल्लो कारोबार दिन बुधबार सुन प्रतितोला १ लाख ६० हजार रुपैयाँमा कारोबार भएको थियो।

त्यसैगरी, बिहीबार चाँदीको मूल्य पनि तोलामा २० रूपैयाँले घटेर एक हजार आठ सय ७५ रूपैयाँ किनबेच भइरहेको छ।

बुधबार चाँदी प्रतितोला एक हजार आठ सय ९५ रूपैयाँमा कारोबार भएको थियो ।