सुनको मूल्य तोलामा ४०० रुपैयाँले घट्यो, कतिमा हुँदैछ कारोबार?

काठमाडौं । तीन दिनदेखि लगातार रुपमा बढेको सुनको मूल्य शुक्रबार सामान्य घटेको छ ।

नेपाल सुनचाँदी व्यवसायी महासंघका अनुसार तीन दिनमा पाँच हजार सात सय रुपैयाँ बढेको सुनको मूल्य आज तोलामा ४०० रुपैयाँ घटेको हो ।

छापावाल सुन तोलाको एक लाख ६८ हजार एकसय रुपैयाँमा किनबेच भइरहेको छ। हिजो छापावाल सुनको मूल्य तोलाको एक लाख ६८ हजार पाँचसय रुपैयाँ थियो।

चाँदीको मूल्य भने आज प्रतितोला पाँच रुपैयाँले बढेर प्रतितोला एक हजार नौ सय ८५ रुपैयाँमा किनबेच भइरहेको छ।