हरिवंश आचार्य अभिनित चलचित्र ‘भूठान’को टिजर सार्वजनिक

काठमाडौं । हरिवंश आचार्यको बहुप्रतिक्षित चलचित्र भूठानको टिजर सार्वजनिक भएको छ ।

ओ.एस.आर डिजिटलबाट सार्वजनिक भएको टिजरमा हरिवंश आचार्य गम्भी मुद्रामा देखिएका छन् जहाँ उनी अमेरिका लगिएका भुटानी आप्रवासी भएको र आफनो देश फर्कन खोजेको तर नपाएर विक्षिप्त बनेको मानसिक रोगी भएको देखाईएको छ ।

भूठान शव्दले कुनै समय आफ्नो घर रहेको तर अहिले हराईसकेको वा परिवर्तन भईसकेको स्थान भन्ने बुझाउँछ ।

चलचित्रले भुटानदेखि नेपाल हुँदै अहिले अमेरिकामा बसोवास गरिरहेका भुटानीहरुको देशप्रेम र विदेशमा बस्नुपर्दा आफ्नो जन्म घर हराएको सबै आप्रवासीको पिडा प्रस्तुत गरेको छ ।

विनोद पौडेलले निर्देशन गरेको फिल्मको मुख्य भूमिकामा आचार्य साथै दयाहाङ राई, अनुराधा मजुमदार, पूजा चन्द –लामा , रिचा घिमिरे, जोएस पाण्डे, अदिति प्याकुरेल, टम क्रेन ,विमल सुवेदी साथै हलिउडका विश्वविख्यात अभिनेता बु्रस डर्न रहेका छन् ।

अविरल थापा,राजेन्द्र ठकुराठी,अमिताव जोशी,सुशांक मैनाली र किर्तना बाँस्कोटा प्रमुख निर्माता रहेको यो चलचित्र २०८२ साल वैशाख १२ गते संसारभर प्रदर्शनमा आउनेछ ।