भारतमा प्रमुख प्रतिपक्षी दलका नेता राहुल गान्धीलाई दुई सय रुपैयाँ जरिवाना

कंग्रेस आईका नेता तथा संघीय संसदको प्रमुख प्रतिपक्षी दलको नेता राहुल गान्धीलाई दुई सय भारतीय रुपैयाँ जरिवाना तोकेको छ ।

उत्तर प्रदेशको लखनऊ अदालतले लगातार पेशीका लागि बोलाइए पनि उनी उपस्थित नभएपछि जरिवाना तोकेको हो । साथै उनलाई १४ अप्रिलसम्म अदालतमा हाजिर हुन निर्देशन दिइएको छ ।

सन् २०२२ मा महाराष्ट्रको अकोलामा वीर सावरकरविरुद्ध विवादित बयान दिएको उनीमाथि आरोप छ । यसबारे गत जुनमा लखनऊ अदालतमा राहुलविरुद्ध रिट दायर भएको थियो ।

रिटमा राहुलले सावरकरलाई ‘अंग्रेजको नोकर’ र ‘पेन्सन लिनेवाला’ भनेको आरोप छ ।