मन्त्री उपस्थित नभएपछि प्रतिनिधि सभा बैठक स्थगित

काठमाडौं । प्रतिनिधि सभाको बुधबारको बैठक स्थगित भएको छ।

सरकारका मन्त्री कोही पनि उपस्थित नहुँदा सभामुख देवराज घिमिरेले प्रतिनिधि सभा बैठक १५ मिनेटका लागि बैठक स्थगित गरेका हुन् ।

संसद बैठकमा मन्त्रीको उपस्थिति अनिवार्य मानिन्छ । एकजना पनि मन्त्री उपस्थित नभए संसद बैठक नबस्ने नियमावलीमा व्यवस्था छ ।

पछिल्लो समय प्रतिनिधि सभा दिउँसो १ बजे बस्दै आइरहेको थियो। बुधबार भने बिहान ११ बजेलाई नै बैठक तय गरिएको थियो।