बुधबार, चैत्र १९ २०८१    

दुर्गा प्रसाईं चाँडै पक्राउ पर्छन् : प्रहरी प्रवक्ता आचार्य

  • ग्यालेक्सी खबर डेस्क

    बुधबार, चैत्र १९ २०८१
  • दुर्गा प्रसाईं चाँडै पक्राउ पर्छन् : प्रहरी प्रवक्ता आचार्य

    काठमाडौँ । नेपाल प्रहरीले गत शुक्रबार दुईजनाको ज्यान जाने गरी काठमाडौंको तीनकुनेमा भएको राजावादीको हिंस्रक प्रदर्शनपछि फरार दुर्गा प्रसाईं चाँडै पक्राउ पर्ने जनाएको छ।

    चैत १५ मा भएको उक्त हिंस्रक घटनालाई लिएर आज आयोजित पत्रकार सम्मेलनमा प्रहरी प्रवक्ता एवम् डीआईजी दिनेशकुमार आचार्यले यस्तो बताएका हुन् ।

    ‘दुर्गा प्रसाईं अहिले फरार भएका छन् । हामी उनीमाथि अनुसन्धानकै क्रममा छ खोजीमा छौँ’, उनले भने, ‘शुक्रबारको दिन ठूलो संख्याको भिड भड्किने भएकाले तत्काल उनलाई पक्राउ गरिएको थिएन ।’

    उनी अहिले भागेकाले खोजी भइरहेको पनि आचार्यले बताए । ‘प्रहरीले त्यसदिन ठूलो भिड भएकाले पक्राउ गर्न सम्भव भएन’, उनले भने, ‘सिंहदरबार, संसद् भवन र एयरपोर्ट नै कब्जा गर्ने भनेर केही व्यक्तिले भिडलाई भड्काएका थिए । प्रहरीले संयमता अपनाएको थियो ।’

    प्रवक्ता आचार्यले प्रसाईं कहाँ लुकेका छन् भन्ने अहिले खुलाउन नमिल्ने बताए । ‘हामी खोजिरहेका छौँ । उनी कहाँ छन् भन्ने हामीले भन्न मिल्दैन ।’

    [ तपाईसंग वा तपाईको वरिपरी पनि कुनै प्रतिभा, रचना र विकृति विसंगतीका घटना छन् भने हामीलाई galaxykhabar.com@gmail.com मा इमेल गर्नुहोस अथवा ९८६३०३३१७२ मा सिधा सम्पर्क गर्नुहोस् हामी तपाईलाई उच्च प्राथमिकता दिनेछौं । धन्यबाद ।। ]


    ग्यालेक्सी खबर डेस्क

    ग्यालेक्सी खबर डटकम पृथ्वी देखि अन्तरिक्षसम्मका समाचार, विचार र घटनालाई समेट्ने नेपाली भाषाको अनलाइन समाचार पोर्टल हो ।

    सम्बन्धित समाचार