काठमाडौँ । भक्तपुरको सानोठिमी क्याम्पसका नवनिर्वाचित स्ववियु अध्यक्ष नरेन्द्रसिंह ठगुन्नामाथि कुटपिट भएको छ ।
शनिवार राति बाटोमा हिँडिरहेको अवस्थामा उनीमाथि आक्रमण भएको हो ।
अखिल क्रान्तिकारीका महासचिव रोशन थापा मगरले आक्रमण गर्नेको पहिचान हुन नसकेको बताए । आक्रमणबाट ठगुन्नाको चिउँडो र आँखा नजिक चोट लागेको छ ।
अपरिचित समूहबाट साङ्घातिक आक्रमण भएको बताउँदै महासचिव मगरले दोषी पत्ता लगाएर कारबाही गर्न माग गरे ।
चैत ५ गते सम्पन्न स्ववियु निर्वाचनमा ३९७ मतसहित अध्यक्षमा विजयी भएका थिए । सानोठिमी क्याम्पसमा अखिल क्रान्तिकारी र नेविसंघबीच संयुक्त प्यानल बनाएर निर्वाचन लडेका थिए ।
[ तपाईसंग वा तपाईको वरिपरी पनि कुनै प्रतिभा, रचना र विकृति विसंगतीका घटना छन् भने हामीलाई galaxykhabar.com@gmail.com मा इमेल गर्नुहोस अथवा ९८६३०३३१७२ मा सिधा सम्पर्क गर्नुहोस् हामी तपाईलाई उच्च प्राथमिकता दिनेछौं । धन्यबाद ।। ]
