लगातार घट्दै सुनको मूल्य, आज कतिमा हुँदैछ कारोबार ?

काठमाडौं । नेपाली बजारमा सुनको मूल्य घटेको छ । नेपाल सुनचाँदी व्यवसायी महासंघका अनुसार आज सुनको मूल्य तोलामा ४ सय रुपैयाँले घटेको हो ।

यस दिन छापावाल सुन प्रतितोला एक लाख ७३ हजार ४ सय रुपैयाँमा कारोबार भइरहेको छ ।

हिजो सोमबार तोलाको एक लाख ७३ हजार ८ सय रुपैयाँ थियो ।

आज चाँदीको मूल्य भने स्थिर छ । चाँदी १ हजार ८३० रुपैयाँमा कारोबार भइरहेको छ । सोमबार पनि चाँदी सोही मूल्यमा कारोबार भएको थियो ।