वर्षको अन्तिम दिन सुनको मूल्य हालसम्मकै महँगो

काठमाडौं । नेपाली बजारमा आइतबार (आज) सुनको मूल्यमा नयाँ कीर्तिमान बनेको छ ।

यसअघि एक लाख ८५ हजार रुपैयाँ प्रतितोला पुगेको सुन आज एक हजार बढेर एक लाख ८६ हजार रुपैयाँ पुगेको नेपाल सुनचाँदी व्यवसायी महासंघले जनाएको छ । यो अहिले सम्मकै उच्च मूल्य हो ।

अघिल्लो कारोबार दिन (शुक्रबार) छापावाल सुन प्रतितोला एक लाख ८५ हजार रुपैयाँमा किनबेच भएको थियो । त्यो पनि उच्च मूल्य थियो ।

यता चाँदीको मूल्य ५५ रुपैयाँले बढेर प्रतितोला १९६० रुपैयाँमा कारोबार भईरहेको छ ।